ФИФА президенти Жанни Инфантино клублар таркибида футболчилар сонини чеклашни ёқлаб чиқди. Унинг фикрига кўра, бу нарса кўплаб ёш футболчиларнинг ижарага олинишига қарши курашга ёрдам беради.
"Менимча, бу нотўғри, аммо рухсат этилган. Клуб энг яхши ёш ўйинчиларни йиғиб олиши, сўнгра ҳар томонга ижарага бериши нотўғри. Бу футболчиларнинг ўисга ҳам, клубга ҳам фойда келтирмайди. Мен клубдаги футболчилар сонини челаш ғоясини қўллаб-қувватлайман", - дейди Инфантино.
Ҳозирда Европанинг кўп клублари бир неча ўнлаб ёш футболчилар билан шартнома имзолаган, улардан кўпи бошқа жамоаларда ижарада ўйнаб келишмоқда. "Челси" расмий сайтининг маълум қилишича, ҳозирда "кўклар"нинг 37 ўйинчиси бошқа клубларда ижарада ўйнамоқда.
