“Локомотив”нинг 4 нафар аъзоси миллий терма жамоамиз йиғинига чақирилган.

Мундиал-2018 сари одимлаётган Ўзбекистон миллий терма жамоаси 15 ноябрь куни сафарда Жанубий Корея термасига қарши учрашув ўтказади. Унга қадар эса 10 ноябрда пойтахтимизда Иордания билан ҳам ўртоқлик учрашувида майдонга тушиш кўзда тутилган.

Бош жамоамиз айни пайтда мазкур икки ўйинга тайёргарликни давом эттирмоқда. “Локомотив” жамоаси аъзолари ҳам терма жамоа сафида машғулотларда иштирок этишмоқда. Тажрибали посбон Игнатий Нестеров, ҳимоячи Ислом Тўхтахўжаев ҳамда ярим ҳимоячилар Сервер Жепаров ва Марат Бикмаев олдиндаги жуда масъулиятли ўйинга бош жамоамиз билан биргаликда ҳозирлик олиб боришмоқда.

Миллий терма жамоанинг бугунги машғулотини “Локомотив” матбуот хизмати вакиллари ҳам бевосита “Жар” стадионидан кузатиб боришди.