Германия чемпионатининг «Лейпциг» ва «Майнц» жамоалари ўртасидаги учрашув арафасида мухлислар стадиондан эвакуация қилинди.

Бунга стадионга бомба ўрнатилгани ҳақидаги хабар сабаб бўлди. Бироқ кўп ўтмай, хабар сохта бўлиб чиқди ва мухлислар ўз ўрнига қайтди. 

Тахминларга кўра, ёлғон хабар «Лейпциг»нинг рақибларидан бирига ишқибозлик қилувчи шахслар томонидан тарқатилган бўлиши мумкин. 

«Лейпциг» аксарият немис футбол ишқибозлари томонидан ўзининг «сунъийлиги» сабаб танқид остига олинади – клуб «Ред Булл» компанияси пули эвазига «яшайди». 

Маълумот учун, ўйин дебютант «Лейпциг»нинг 3:1 ҳисобидаги ғалабаси билан якунига етди ва жамоа мусобақа жадвалида пешқадам «Бавария»га етиб олди. 

Ҳар иккала жамоа ҳисобида ҳозирча 24 тадан очко бор. Учинчи ва тўртинчи ўриндаги «Хоффенхайм» ва «Герта» эса 20 тадан очко тўплаган.