"Фенербахче" ҳужумчиси Робин ван Перси Туркия чемпионатида "Аксихар"га қарши учрашувда (3:1) жиддий жароҳат олди.
Биринчи бўлим охирларида рақиб билан тўқнашувда 37 ёшли футболчининг чап қовоғи даҳшатли тарзда ёрилди.
Футболчи ўйинни давом эттира олмади ва унинг ўрнига Эммануэл Эменике тушди.
Ижтимоий тармоқларда шифокорларнинг маълумотига таянилган турли хабарлар тарқалмоқда, уларга кўра Ван Персининг чап кўзи кўрмай қолиши мумкин.













