2017 йили Россияда ўтказиладиган Конфедерациялар кубоги мусобақаси чипталари савдога чиқарилди.

Биринчи бўлиб, Visa картаси эгалари бу чипталарни сотиб олиш ҳуқуқига эга бўлишди.

Чипталарнинг нархи Россия фуқаролари учун 960 рублдан, хорижий фуқаролар учун 70 доллардан бошланади.

Чипта сотиш қуйидаги босқчиларда амалга оширилади: 8-17 ноябрь – Visa картаси эгалари учун, 1 декабрь - 19 январь – олдиндан ариза берган фуқаролар учун қуръа ташлаш асосида, 1 март - 5 апрель – навбатда турганлар учун, 19 апрель - 2 июль – сўнгги босқич.

Конфедерациялар кубоги – 2017 да Россия, Германия, Португалия, Австралия, Чили, Мексика ва Янги Зеландия терма жамоалари иштирок этади. Яна бир иштирокчи Африка миллатлари кубоги-2017дан сўнг маълум бўлади.