ЖЧ-2018 саралашидан ўрин олган Албания – Исроил терорчилик ҳаракати хавфи туфайли бошқа стадионга кўчирилди.
Panorama хабарига кўра, Албания хавфсизлик хизмати ходимлари исроиллик ҳамкасблари маълумотига таяниб, Шкодер шаҳрида ўйин куни террорчилик ҳаракатини содир қилишни режалаштиришган тўрт нафар фуқарони ҳибсга олишган.
Албания футбол федерацияси ФИФАдан ўйинни Элбасандаги стадионга кўчиришни сўраган. Бу шаҳар пойтахт Тиранага яқинроқ бўлиб, хавфсизлик чора тадбирлари учун қулайдир.