FrancePress хабарига кўра, Греция футбол федерацияси профессионал даражадаги барча ўйинларни тўхтатилганини эълон қилди.
Гап шундаки, Миллий арбитраж қўмитаси раҳбарининг уйида ёнғин содир бўлган, терговчилар бу ишни ўт қўйиш бўлиши мумкинлигини ҳам таҳмин қилмоқда.
Эслатиб ўтамиз, аввалроқ ФИФА мамлакат футбол федерациясини бошқаришни ҳукуматга топширган эди. Аслида бу иш ташкилот қоидаларига зид бўлса-да, коррупцияга қарши курашни кучайтириш мақсадида, истисно тариқасида рухсат берилганди.