Аргентина терма жамоасининг ЖЧ-2018 саралашидан ўрин олган Бразилияга қарши ўйиндаги 0:3 ҳисобидаги мағлубияти мамлакатда катта шов-шувга сабаб бўлди.
Бу натижадан сўнг мухлислар ва матбуотда норозилик кайфияти кучайди. Айниқса, жамоа сардори Лионель Месси устига танқидлар ёғдирилди. Сўнгги пайтларда футболчини терма жамоада таниш-билишчиликни йўлга қўйгани ва фақат ўзининг дўстларини чақирилишини талаб қилаётганида айблашмоқда.
Аргентина матбуоти бош мураббий Эдгардо Баусани Мессини йўриғига тушиб қолгани ва фақат унга ёқадиган футболчиларни терма жамоага жалб қилишда айбламоқда. Агар бу иш давом этадиган бўлса, Месси терма жамоани тарк этгани маъқул деган хитоблар янграмоқда. Терма жамоадаги баъзи футболчилар омадсиз ва мағлубиятларга кўникиб қолганликда айбланмоқда.
Эслатиб ўтамиз, Месси Америка кубоги -2016 финалидаги Чили терма жамоасидан учралган мағлубиятдан сўнг Аргентина терма жамоасидаги фаолиятини якунлаганини эълон қилган, бироқ кейичалик яна терма жамоага қайтган эди.
