Тошкентнинг «Бунёдкор» футбол мактаби халқаро турнирда иштирок этиш борасида Малайзиядан таклиф олди.

SuperMokh—2016 мусобақаси икки ёш тоифасида ўтказилади: U12 ва U14. «Бунёдкор» ҳар икки мусобақада ҳам ўз футболчилари билан иштирок этади.

14 ёшгача бўлган футболчилар мусобақасига Англиянинг «Манчестер Сити», Франциянинг «ПСЖ», Португалиянинг «Спортинг», Бразилиянинг «Сан Паулу» каби клублари ташриф буюради. Қуръа натижасига кўра улар Тошкент гранди билан тўқнаш келиб қолиши ҳам мумкин.

Мусобақа 11—19 декабрь кунлари Малайзия пойтахти Куала-Лумпур шаҳрида бўлиб ўтади.