Аёллар футбол жамоалари ўртасидаги мамлакат XXII миллий чемпионати ўйинлари секин-аста ўзининг ҳал қилувчи палласига кирди.
Ўзбекистон чемпионатида иштирок этаётган “Локомотив-Woman” жамоаси бу йилги мавсумни унчалик ҳам юқори даражада ўтказа олмади. “Темирйўлчи” қизлар чемпионат доирасидан ўрин олган барча учрашувларини ўтказиб бўлишди. Сўнгги тур доирасида кечган “Металлург-W”га қарши матчда ҳам имконият бой берилди – 0:6. Шу тариқа, фақатгина Фарғонанинг “Нефтчи-W” жамоаси билан сафарда 2:2 ҳисобида дуранг натижа қайд этган “Локо” футболчи қизлари якунда бир очко жамғаришди ва мусобақа жадвалининг сўнгги поғонасини банд этишди.
Қаршининг “Севинч” жамоаси эса чемпионат якунларига кўра олтин медалларга эга чиқди.
