МЮ клубининг собиқ футболчиси Райан Гиггз машҳурлигидан фойдаланиб, мўмай пул ишлаб топишни режалаштирмоқда.

Райан ўз ресторанида 80 кишига мўлжалланган тадбир уюштирмоқчи. Қизиғи шундаки, унда иштирок этишни хоҳлаган меҳмонлар 340 фунтга чипта сотиб олишлари керак. Бу эса Гиггзга умумий ҳисобда 27200 фунт даромад келтиради.

Тадбир давомида Гиггз меҳмонлар билан суҳбатлашади, уларнинг саволларига жавоб беради ва фотосессия ташкил қилади.

Бундан ташқари George’s Worsley ресторани меҳмонларга уч таомдан иборат ажойиб менюни ва ичимликларни таклиф қилади. Тадбир 28 ноябрь куни ўтказилиши режалаштирилмоқда.

Аввалроқ, «Ливерпуль» ҳимоячиси Жейми Каррагер ҳам шундай тадбир ташкил қилган ва чипталарни 245 фунтга сотган эди.