"Манчестер Юнайтед" дарвозабони Давид де Хеа шартномасининг бандлари маълум бўлди.
Goal.com хабарига кўра, Де Хеанинг "МЮ" билан шартномасида кўрсатилган товон пули 60 миллион еврони ташкил этади.
Эслатиб ўтамиз, посбон ўтган йилнинг сентябрь ойида манчестерликлар билан шартномасини 2019 йилгача узайтирган, бу унинг "Реал"га ўтиш музокаралари тўхтаганидан сўнг содир бўлган эди.
Шунга қарамай, матбуотда мадридликлар президенти Флорентино Перес Де Хеани қўлга киритиш ниятидан қайтмаганлиги ҳақида хабарлар тинмади. Аммо Кейлор Наваснинг ишончли ўйини бу миш-мишларни бироз тўхтатди.
Агар "Реал" 26 ёшли дарвозабонни қўлга киритмоқчи бўлса 60 миллион евро тўлаши керак бўлади, бу Де Хеани футбол тарихидаги энг қиммат даврозабонга айлантиради.
