Германия терма жамоаси ҳужумчиси Томас Мюллернинг Сан-Марино терма жамоасига нисбатан айтган сўзлари жавобсиз қолмади.
Сан-Марино терма жамоаси матбуот котиби Алан Гасперони германиялик футболчининг сўзларига изоҳ берди.
"Сен ўзинг ҳатто бизга - кучсиз жамоага гол уролмадинг. Футбол Беккенбауэр ёки Руммениггенинг шахсий буюми эмас. Футбол уни севадиган барчага тегишли. Немислар тарих сабоқларига қарамай ҳеч қачон ўзгармайдилар, қўрқитиш ғалаба кафолат бермайди", - деб ёзади Гасперони ўзининг Фейсбукдаги саҳифасига.
Германия терма жамоаси ЖЧ-2018 саралашида Сан-Маринони 8:0 ҳисобида мағлуб этган, учрашувдан сўнг Томас Мюллер "бундай терма жамоалар билан ўйнашнинг нима кераги бор" мазмунидаги сўзларни айтган эди.
