Футбол бўйича Осиё Чемпионлар Лигасининг келаси мавсуми гуруҳ босқичига фақатгина Ўзбекистон чемпиони тўғридан-тўғри йўлланма олади. 2015—2016 йилги мавсумда бу кўрсаткич 3 тани ташкил қилаётганди.

Мутахассис Алишер Никимбаев ЖЧ—2018 саралаш босқичининг 5-туридан кейин йўлланмалар сони деярли ҳал бўлганига ойдинлик киритди. Ўзбекистон миллий терма жамоаси 2016 йил ҳисобидан ўзининг сўнгги расмий ўйинини ўтказиб, мағлубиятга учради. Мамлакат клублари халқаро майдондан чиқиб кетган. Шу боисдан ҳам квоталар сонининг ошишига умид қолмаган.

Сўнгги икки мавсум Ўзбекистон 3+1 квотасига эга бўлиб келган бўлса, кейинги икки йилда бу 1+2 ни ташкил қилади. Мамлакат вице-чемпиони ва Кубоги соҳиби саралаш босқичидан ўцагина, гуруҳ ўйинларига қўшилиши мумкин. БАА ва Саудияда бу кўрсаткич 3+1, Эрон билан Қатарда 2+2.

Бу борада БАА, Саудия Арабистони, Эрон, Қатар каби лигалар Ўзбекистондан илгарилаб кетди. Кувайт дисквалификация муддатини давом эттирмоқда. Ироқ ўз квоталари сонидан фойдала олмаса, унинг йўлланмалари Эронга ўтиб кетади.

Маълумот учун, ОФК клублар ва терма жамоаларининг халқаро майдондаги иштирокига қараб, уларга балл бериб боради. Ўзбекистон жамоалари Осиё Чемпионлар Лигасининг сўнгги икки мавсумида муваффақиятсиз қатнашди. «Бунёдкор», «Пахтакор», «Насаф» клублари ҳар икки сафар ҳам гуруҳ босқичидан ўта олмаган бўлса, «Локомотив» 2016 йилги мавсумда чорак финалга қадар етиб борганди.