Яқинда "Ливерпуль" ҳужумчиси Муҳаммад Салоҳ клуб ва бош мураббий Арне Слотдан норозилигини очиқчасига билдирган эди.
Мисрлик "қизиллар" сўнгги дақиқаларда (3:3) ғалабани бой берган "Лидс"га қарши ўйиндан кейин шов-шувли интервью берди. 33 ёшли футболчининг ўзи эса бутун ўйинни захирада ўтказди. Журналист Алекс Крукнинг ёзишича, "Ливерпуль" босслари ҳозирги вазиятда нидерландиялик мураббийни тўлиқ қўллаб-қувватламоқда, Салоҳни эса жазо кутаётганга ўхшайди: у Чемпионлар лигасининг "Интер"га қарши бўлажак ўйинига жамоа билан бормаслиги мумкин, шунингдек, Премьер-лиганинг навбатдаги "Брайтон"га қарши ўйинида иштирок этиши даргумон.
Маълум бўлишича, ҳозирда қишки трансферлар ойнаси давомида ОАВда Муҳаммад Салоҳнинг кетиши ҳақида гап-сўзлар юрибди, аммо юлдуз футболчининг келажаги масаласида ҳозирча аниқлик йўқ.
