"Реал" Испания чемпионатининг 15-турида ўз майдонида "Сельта"га ютқазди - 0:2.
53-дақиқада "Сельта"нинг 21 ёшли швециялик ҳужумчиси Виллиотт Сведберг гол урди. 90+3-дақиқада у дублни расмийлаштирди. 64-дақиқадан бошлаб "Реал" бир киши кам бўлиб ўйнади - испаниялик ҳимоячи Франсиско Гарсия кетма-кет иккита сариқ карточка олди. Ўйин якунида Альваро Каррерас ҳам майдондан четлатилди.
"Реал" сўнгги 6 ўйиндаги илк мағлубиятини қабул қилиб олди. У Испания чемпионати турнир жадвалида иккинчи ўринни эгаллаб турибди (16 ўйиндан кейин 36 очко). "Сельта" эса 15 ўйиндан кейин 19 очко билан 10-ўриндан жой олган.
16-турда "Реал" 14 декабрь куни "Алавес" меҳмони бўлади, "Сельта" шу куни "Атлетик"ни қабул қилади.
Ла Лига. 15-тур
8 декабрь, 01:00.
Реал - Сельта - 0:2
Голлар: Сведберг, 53 (0:1). Сведберг, 90 (0:2)
Реал: Куртуа, Эдер Милитау (Рюдигер, 24), Каррерас, Ф. Гарсия, Рауль Асенсио (Родригу, 54), Тшуамени, Арда Гюлер (Г. Гарсия, 74), Беллингем, Вальверде, Винисиус Жуниор, Мбаппе
Сельта: Раду, Старфельт, Алонсо, Родригес, Мориба, Роман (Бельтран, 84), Мингеса (Руэда, 71), Каррейра, Сарагоса (Хутгла, 71), Дуран (Сведберг, 46), Иглесиас (Аспас, 88)
Огоҳлантиришлар: Беллингем, 62. Ф. Гарсия, 63. Вальверде, 90. Родригу, 90. Каррерас, 90 - Мориба, 83
Четлатиш: Ф. Гарсия, 64 (иккинчи сариқ карточка). Каррерас, 90
