Мадриднинг "Реал" клуби Ла Лига 16-туридан ўрин олган "Сельта"га қарши баҳсда кутилмаганда имкониятни бой бериб қўйди (0:2).
Меҳмонлар сафида Виллиот Сведберг 54 ва 93-дақиқаларда рақиб дарвозасини ишғол қилди. 64 ва 92-да Фран Гарсия ва Альваро Каррерас мос равишда майдондан четлатилди - "қаймоқранглилар" тўққиз киши бўлиб ўйнашди.
"Биз ғазабландик, чунки бутунлай бошқа натижага умид қилгандик. Милитаонинг жароҳати вазиятни анча мураккаблаштирди. Бизга кўплаб эпизодларда интенсивлик етишмади. Бўлган воқеани иложи борича тезроқ унутиб, олдинга юриш керак. Бугун биз уч очко йўқотдик, аммо олдинда ҳали кўплаб ўйинлар бор," - дея Алонсонинг сўзларини келтиради Madrid Universal.
