Madridning "Real" klubi La Liga 16-turidan o‘rin olgan "Selta"ga qarshi bahsda kutilmaganda imkoniyatni boy berib qo‘ydi (0:2).
Mehmonlar safida Villiot Svedberg 54 va 93-daqiqalarda raqib darvozasini ishg‘ol qildi. 64 va 92-da Fran Garsiya va Alvaro Karreras mos ravishda maydondan chetlatildi - "qaymoqranglilar" to‘qqiz kishi bo‘lib o‘ynashdi.
"Biz g‘azablandik, chunki butunlay boshqa natijaga umid qilgandik. Militaoning jarohati vaziyatni ancha murakkablashtirdi. Bizga ko‘plab epizodlarda intensivlik yetishmadi. Bo‘lgan voqeani iloji boricha tezroq unutib, oldinga yurish kerak. Bugun biz uch ochko yo‘qotdik, ammo oldinda hali ko‘plab o‘yinlar bor," - deya Alonsoning so‘zlarini keltiradi Madrid Universal.
