"Манчестер Юнайтед" ва Англия терма жамоаси ҳужумчиси Уэйн Руни терма жамоа йиғинида алкоголь ичимликлар истеъмол қилгани учун кечирим сўради, дея хабар беради Sky Sports.
Руни сешанба куни Испания терма жамоасига қарши ўртоқлик учрашувида (2:2) иштирок тмади, терма жамоа бош мураббийи Гарет Саутгейт буни футболчининг жароҳати билан тушунтирди.
Аммо Британия ОАВ Руни мастлик учун терма жамоадан четлатилганини ёзишмоқда. Футболчи Англия термаси жойлашган отелдаги кечада иштирок этган. Унинг бир неча фотосурати интернетда тарқалди.
Чоршанба куни Руни расман кечирим сўради. Англия футбол ассоциацияси футболчиларнинг терма жамоада ўзини тутишлари ҳақидаги қоидаларни қайта кўриб чиқишини эълон қилди.
