«Барселона» ҳимоячиси Жерар Пике Япониянинг Rakuten компанияси билан шартномани имзоланишига катта ҳисса қўшди.
Бу ҳақда Каталония клубининг президенти Хосеп Бартомеу хабар бермоқда.
«Пике ва Шакира – Rakuten президенти Хироши Микитани билан яқин дўст. Жерар 2015 йилда АҚШ саёҳатига борганимизда Микитани билан тушлик уюштирди. Пике бизга катта ёрдам берди, ундан миннатдормиз» - деди Бартомеу Marca хабарида.
Эслатиб ўтамиз, Rakuten билан имзоланган 4 йиллик шартномага кўра «Барса» йилига 55 млн евро даромад олади. Бундан ташқари ҳар хил бонуслар кўринишида яна 5,5 млн еврога эга бўлади.
