«Бавария» бошқарув раиси Карл-Хайнц Румменигге бошқа чемпионатлардаги футболчиларнинг жуда катта маошидан хавотирда эканини маълум қилди.
Германиянинг етакчи клублари Испания ва Англиядан молиявий жиҳатдан фойдали таклиф берилса, футболчиларини ушлаб қололмаслигидан ташвишга тушиб қолган.
Яқинда «Реал» Роналду билан янги шартнома имзолаган ва унга барча солиқлар чиқариб ташлангач, йилига 20,5 млн евро маош тайинлаган эди.
«Бундеслигада ҳатто солиқлар билан қўшиб ҳисоблаганда ҳам бунчалик кўп маош оладиган футболчи йўқ» - деди Румменигге Bild хабарида.
«Тўғри, футболчиларимиз «Сток Сити» каби ўртамиёна клубларга ўтмайди. Бироқ, баъзилари 2 ёки 3 баробар кўп маош таклиф қилинса, АПЛга жон деб ўтиб кетишади» - деди «Боруссия Д» раҳбари Ханс-Йоахим Ватцке.
