"Реал" яримҳимоячиси Мартин Эдегор энг юқори савияда ўйнашни орзу қилишини яширмади.
Норвегиялик 17 ёшли футболчи "Реал" бош мураббийи Зинедин Зиданнинг бу мавсумдаги режаларига кирмаяпти, шунинг учун мадридликларнинг ўринбосарлари таркибида ўйнамоқда.
"Ўз келажагимдан воқеа ясамоқчимасман. Ҳар куни машғулотларда ишлаяпман, шунинг учун ўзимни яхши ҳис қиляпман. Аввал айтганимдай, ўринбосарлар жамоасида эмас, юқори савияда ўйнашни орзу қиламан. Шунингдек, дунёнинг энг яхши футболчилари билан бирга машғулот ўтказиш менинг фойдамга ишлаяпти", - дейди Эдегор.
Аввалроқ, Эдегор қишки трансферлар чоғида "Ренн"га ижарага берилиши ҳақида хабарлар тарқалган эди.
