Боливия футбол федерацияси ФИФАнинг иккита техник мағлубият ҳақидаги қарори юзасидан аппелляция берди.

Эслатиб ўтамиз, аввалроқ Боливия футбол федерацияси ЖЧ-2018 саралашидан ўрин олган Перу (1:0) ва Чили (0:0) терма жамоаларига қарши ўйинларда техник мағлубият билан жазоланган эди. Бу ўйинларда Боливия терма жамоаси таркибида 33 ёшли ҳимоячи Нелсон Кабрера майдонга тушган. Ваҳоланки, футболчи олдин Парагвай терма жамоасида тўп сурган ва Боливия сафида ўйнаш ҳуқуқига эга бўлмаган.

«ФИФА ўз ташаббуси билан эмас, балки учинчи томоннинг талабига қараб иш тутди. Биз бу қарорни бекор қилинишини ва ҳаққоний натижаларни тикланиши сўраймиз» - дейилади БФФ расмий баёнотида.

Айни пайтда Боливия терма жамоаси ЖЧ-2018 саралашида 12 ўйиндан сўнг 7 очко жамғариб, жадвалнинг 9-поғонасида бормоқда.