Колумбия футболининг юлдузи Фаустино Асприлья терма жамоа ҳужумчиси Хамес Родригес ҳақида ўз фикрини маълум қилди.
«Хамес менга ёқади ва уни ҳурмат қиламан. Аммо Криштиану Роналду билан дўстлиги уни зарарига ишламоқда. У Роналдудан ўрнак олмаслиги керак.
Колумбия терма жамоасида кимдир унга тўпни оширмаса, худди Роналдудек жаҳл қилиб, қўлларини силтаб қўймоқда. Бу жуда хунук. Ҳакамлар ёки рақиблар билан баҳслашишни тушунса бўлади, аммо ўз жамоадошларинг билан бундай қилиш ярамайди. Тўпни оширмагани учун баҳслашиш орқали жанжал келиб чиқиши ҳам мумкин. Бу яхшимас. Хамес буни Роналдудан ўрганиб олган» - деди Асприлья.
