АҚШ терма жамоаси бош мураббийи Юрген Клинсманн жамоасининг 2018 йил бўлиб ўтадиган жаҳон чемпионати финал қисмига боришига ишонмоқда.
Ҳозирча АҚШ термаси саралаш босқичининг дастлабки икки учрашувида Мексика (1:2) ва Коста-Рика (0:4) терма жамларига ютқазиб қўйган.
"Омадсизликларга тўғри баҳо бера олиш жуда муҳим. Биз стартдаги икки учрашувни бой бердик, аммо биз кучли рақиблар билан ўйнадик. Жаҳон чемпионатига чиқиш учун бизда яна 8 ўйин бор.
Жамоамиз бундай стартга тўғри ёндоша олади. Биз март ойида Гондурас ва Панамага қарши учрашувларда вазиятни ўнглашга ҳаракат қиламиз. Жаҳон чемпионатига чиқишимизга 100 фоиз ишонаман", - дейди Клинсманн.
