16 ноябрь куни Тошкентдаги «Туркистон» санъат саройида 2016 йилги бодибилдинг ва фитнес бўйича Ўзбекистон Кубоги бўлиб ўтган эди. Унда мусобақа бошланишига қадар дастлабки саралашдан ўтган 200 спортчидан 86 нафари иштирок этди.
Тадбир икки қисмга бўлинди. Биринчисида бодибилдинг бўйича вазн тоифасида мутлақ чемпионлар аниқланди. Унга кўра, Ўзбекистоннинг бодибилдинг бўйича амалдаги, фитнес бўйича 2014 ва 2016 йилги чемпиони, икки карра Осиё чемпиони Павел Умурзаков ғолиб бўлди.
У 100 кг гача вазнда «Бодибилдинг (эркак-уста)» ва «Бодибилдинг (эркаклар)» тоифаларида биринчи ўринни қўлга киритди.
Янги «Паралимпик-физик (эркаклар)» йўналишида Фарҳод Умирзоқов (Жиззах, №57)нинг чиқиши томошабинлар олқишларига сазовор бўлди.
Ёшлар ўртасида 75 кг гача вазн тоифасида термизлик Жасур Сатторов (№159), 75 кг дан юқори вазн тоифасида Тошкент вакили Даниил Свечников (№54) ғолиб бўлди.
Турли вазн тоифаларида биринчи ўрин эгалари қуйидаги кўринишда тақсимланда: Ислом Эргашев (№33, Тошкент, 60 кг гача), Зиёдулла Аҳмадалиев (№95, Тошкент, 65 кг гача), Бахтиёр Мамажонов (№ 141, Тошкент, 70 кг гача), Бекзод Шукуров (№174, Тошкент, 75 кг гача), Сергей Фомин (№12, Тошкент, 80 кг гача), Александр Жалилов (№163, Тошкент, 85 кг гача), Даниил Свечников (№54, Тошкент, 90 кг гача) ва Павел Умурзаков (№15, Тошкент, 100 кг гача).
«Атлет-физик» дастурида Тошкент вакили Жавоҳир Нарзиев (№55, 180 см гача ва +5 кг) ва Давронбек Туйгунов (№167, 180 см дан юқори ва + 6 кг). «Спорт-физик» гуруҳида эркаклар ўртасида тошкентлик Нуриллахўжа Ғуломов (№152, 180 см гача — чекловсиз вазн/бўй) ва Афаэль Абунаев (№79, 180 см дан юқори ва + 4 кг) ғолиб бўлди.
Аёллар ўртасидаги мусобақаларда ҳам ғолиблар аниқланди. «Атлетик-физик» бўйича Елена Нураева (№165, Тошкент, 165 см гача) ва Елена Журавлёва (№136, Тошкент, 165 см дан юқори) ғолиб бўлди. Марина Демидова (№96, Тошкент) «Фитнес-физик» йўналишида биринчи ўринни эгаллади. «Модель-физик» гуруҳида Диана Ахматкулова (№89, Тошкент, 165 см гача) ва Малика Вакасова (№38, Тошкент, 165 см дан юқори ғолиб чиқди).
