Бразилия терма жамоасининг собиқ бош мураббийи Карлос Альберто Паррейра ҳамкасби Тите шаънига илиқ сўзларни гапирди.
Дунга ўрнига тайинланган Тите терма жамоа билан ёрқин ғалабалар қозона бошлаганди.
«Титени мақтаганим, Дунгани танқид қилганимни англатмайди. Шунчаки, айни пайтда уни мақташ керак. Тите Бразилиянинг фалсафаси ва ўйин услубини ўзгартирди. Энди бизда барқарор ўйин намойиш этаётган жамоа бор. Бу тасодиф эмас» - деди Паррейра Globo Esporte хабарида.
Бразилия терма жамоаси ЖЧ-2018 саралаш гуруҳида 12 турдан сўнг 27 очко жамғариб, пешқадам бўлиб турибди.
