«Арсенал» клубининг собиқ, айни пайтда «Борнмут» ҳужумчиси Беник Афобе Англия футбол ассоциацияси (FA) йўл қўйган хато туфайли Конго Демократик Республикаси терма жамоаси таркибида дебют қилолмади.
23 ёшли футболчи аввал Англиянинг ўсмирлар ва ёшлар термаси таркибида ўйнаган эди. Аммо охир-оқибатда ота-онасининг ватани бўлмиш Конго Демократик Республикаси терма жамоасини танлади.
13 ноябрь куни ёш футболчи терма жамоа таркибида биринчи ўйинни Гвинея терма жамоасига қарши ўтказиши лозим эди. Бироқ буни амалга ошира олмади. Чунки Англия футбол ассоциацияси янглишиб, футболчининг барча ҳужжатларини қўшни мамлакат – Конго Республикасига жўнатиб юборган.
