Португалия терма жамоасининг собиқ футболчиси Паулу Футре юртдошларини «Реал» ҳужумчиси Криштиану Роналдуга муносабатини айтиб берди.
«Криштиану – португалиялик. У ҳамма нарсага эришган. У Европа чемпиони ҳисобланади. Бироқ бу мамлакатда унинг душманлари кўп. Ҳаммаси унинг яшаш тарзи ва ҳатти-ҳаракатларидан. У жуда содда ва ўз юртида душман орттирган.
Кўпгина португалиялик мухлислар терма жамоа жойлашган меҳмонхона яқинида «Месси, Месси, Месси» деб бақирганларини ўз кўзим билан кўрганман. Бу уят.
Шубҳасиз, Португалияда «Олтин тўп»ни айнан Месси ютиб олишини ҳохлайдиган инсонлар бор» - деди Футре.
