«Барселона» ҳимоячиси Эрик Гарсия қишки трансферлар ойнасида клубини ўзгартириши мумкин.

Журналист Экрем Конурнинг хабар беришича, 25 ёшли футболчига Англия Премьер-лигасининг уч клуби — «Тоттенхэм», «Астон Вилла» ва «Ньюкасл» қизиқиш билдирмоқда. Шунингдек, Гарсия «ПСЖ», «Рома», «Интер» ва «Комо» клубларининг ҳам эътиборида турибди.

«Барселона» ҳимоячини сотишга ҳозирча қизиқиш билдирмаяпти. Бироқ клубга 50–55 миллион евро атрофида таклиф келиб тушса, каталонияликлар трансфер бўйича музокаралар олиб боришга тайёр.