"УзРепорт ТВ" телеканали Европа лигасидан ўрин олган учрашувлар трансляциясини давом эттиради.
Бугун Тошкент вақти билан соат 23:00да "Краснодар" клуби ўз майдонида "Ред Булл" жамоасини қабул қилади.
"Краснодар" айни пайтда гуруҳда 6 очко билан 2-поғонани эгаллаб турибди. Агар бугун Одил Аҳмедов жамоаси ғалаба қозонса, кейинги босқичга чиқиш учун катта қадам ташлаган бўлади.
"Краснодар" - "Ред Булл" ўйини ўз якунига етиши билан, соат 01:05да "Манчестер Юнайтед" - "Фейноорд" учрашуви бошланади.
"МЮ" клуби эса 6 очко билан гуруҳда 3-ўринда кетяпти. "Фейноорд"да 7 очко ва у 2-поғонада бормоқда. Жозе Моуриньо шогирдлари келаси босқичга чиқиш учун бугунги ўйинда ғалаба қозонишлари шарт.
"УзРепорт ТВ" телеканали ҳар икки ўйинни ҳам "жонли" эфирда намойиш қилади.
