«Тоттенхэм Хотспур» бош мураббийи, аргентиналик мутахассис Маурисио Почеттино «Барселона» ҳужумчиси Лионель Мессини клуб ва терма жамоадаги ўйини нима учун бир хил эмаслиги ҳақида гапирди.
«Менимча, Аргентинанинг мағлубиятларидан ҳафсаласи пир бўлганлар Мессининг ўйинига шубҳа билдиряпти. Бироқ дунёнинг энг яхши футболчиси клубда бошқача, терма жамоада бошқача ўйин намойиш этаётганини таҳлил қилиб чиқиш лозим. Бу нарса футболчини атрофида юз бераётган воқеалар билан боғлиқ бўлиши мумкин» - деди мутахассис Marca хабарида.
