ПСВ клуби фанатлари Чемпионлар лигасидан ўрин олган «Атлетико» клубига қарши ўйиндан олдин испаниялик журналистларнинг ҳатти-ҳаракатларидан норози бўлишди.
Клуб менежери Тун Гербрандс хабарига кўра, журналистлар мухлисларга пул бериб, тартибсизлик уюштиришга ундаган ва буни фото – видеосуратга олишмоқчи бўлган.
«Биз воқеани ўрганиб чиқдик ва бу гапларни ҳақиқат деб ҳисобламоқдамиз» - деди менежер Eindhovens Dagblad хабарида.
Эслатиб ўтамиз, «Атлетико» клубига қарши ўйиндан олдин ПСВ фанатлари кўчадаги тиланчи аёлларни таҳқирлашган, уларга тангаларни отиб, жисмоний машқларни бажаришга мажбурлашган эди.
