"Манчестер Юнайтед" яримҳимоячиси Андер Эррера "Вест Ҳэм"га қарши учрашувни (1:1) шарҳлади.
"Билмадим, ғалаба қозониш учун яна нималар қилишимиз керак. Мухлисларга нима дейишимни ҳам билмайман - бу қаттиқ афсус, буни улар ҳам тушуниб туришибди, деб ўйлайман. Биз нима қилиш креак бўлса - қиляпмиз, қандай ўйнаш керак бўлса - ўйнаяпмиз. Аммо қандай қилиб шунча учрашувларни юта олмаганимизга ишониш қийин. Фаолиятимда бунга биринчи марта дуч келяпман.
Футболда энг қийини - вазият яратиш ва биз жуда кўплаб вазиятлар яратяпмиз. Рақиб дарвозабон яна ўйиннинг энг яхши футболчиси бўлди. Биз 4:1 ҳисобида ютишимиз керак эди, аммо уддалай олмадик. Омадимизга нима бўлди, билмайман, аммо у бизга чоршанба куни бошқа мусобақада қайтади, деб умид қиламан", - дейди Эррера.