"Вест Бромвич" бош мураббийи Тони Пьюлис суд қароридан сўнг ўзининг собиқ жамоаси "Кристал Пэлас"га 3,7 миллион фунт тўлашга мажбур бўлди.
"Кристал Пэлас" 2014 йилда уэльслик 58 ёшли мутахассисга агар у жамоани премьер-лигада олиб қолса ва 31 августгача ишлаб турса 2 миллион фунт мукофот ваъда қилган.
Пьюлис "бургутлар"ни лигада олиб қолди, аммо 14 август куни истеъфо берган. Мутахассис "Кристал Пэлас" билан хайрлашишдан икки кун аввал ваъда қилинган мукофотни олган.
Лондон клубидагиларнинг фикрича, Пьюлис ўз фарзандларига ер сотиб олиш учун клубдан муддатидан олдинроқ пулни олган ва алдаган. Судда Пьюлис алдагани ва ер сотиб олмагани исботланди.
"Унинг қилиғи ҳар қанақасига даҳшатли", - дейди судда бу иш билан шуғулланган терговчи.