Теннис бўйича Аргентина терма жамоаси сафида норасмий жаҳон чемпионати ҳисобланган Дэвис Кубоги соҳиби Хуан Мартин дель Потро футбол афсонаси ва ҳамюрти Диего Марадонага дастхати туширилган ракеткасини совға қилди. Бу ҳақда «Корреспондент.net» хабар бермоқда.
Аргентина терма жамоаси бунга қадар Дэвис Кубогида зафар қучмагани учун ҳам бу соврин биринчиси бўлди. Финал баҳсида Жанубий америкалик теннисчилар Хорватия термасини 3:2 ҳисобида мағлубиятга учратди.
Диего Марадона финал беллашувларининг барчасида Аргентина термасини қўллаб-қувватлади.
