Хитойлик шахматчи қиз Цзюй Вэньцзюнь Россиянинг Ханти-Мансийск шаҳрида аёллар ўртасида Халқаро шахмат ферерацияси (ФИДЕ) Гран-при турнирининг якуний босқичи 10-турида грузиялик Нино Бациашвилини мағлубиятга учратиб, мусобақа якунланишига 1 тур қолганида 2015/16 йилги мавсумда Гран-при жадвалида 1-ўринни эгаллади.
Бу ҳақда «Интерфакс» хабар бермоқда.
Мазкур натижа Вэньцзюнга жаҳон чемпионлиги учун кечадиган баҳсда иштирок этиш ҳуқуқини берди. Хитойлик спортчи нокаут тизимида ғолиб бўлган шахматчи билан жаҳон чемпионлиги учун курашади.
Маълумот учун, шахмат бўйича аёллар ўртасидаги жаҳон чемпионати 2017 йилнинг 10–28 февраль кунлари Эронда бўлиб ўтади.
