Таниқли сўз устаси Обид Асомов Instagram’даги саҳифасида 30 ноябрь куни Самарқанд шаҳрида бўлиб ўтган футбол бўйича Ўзбекистон Кубоги финал учрашуви таассуротлари билан ўртоқлашди.
Ўйин арафасида Самарқанддаги «Динамо» стадионида ташкил этилган маданий-кўнгилочар дастурда Обид Асомов ҳам қатнашган эди.
Тошкентнинг «Локомотив» ва Қаршининг «Насаф» жамоалари ўртасида бўлиб ўтган финал учрашувида пойтахт клуби 1:0 ҳисобида ғалаба қозонди ва Ўзбекистон Кубоги соҳибига айланди.
«Тошкентга қайтишда ‘Афросиёб’ поездида йигитлар билан эсдалик учун суратга тушдик. Чунки ғалабада менинг ҳам ҳиссам бор: майдонга тушмасам ҳам, дуо қилиб ўтирдим», — деб ёзди Обид Асомов.
