Ушбу мавсум якунларига кўра, Ўзбекистон чемпионлиги ва Кубогини қўлга киритган "Локомотив" янги мавсумга тайёргарликни 21 декабрдан бошлайди.
Ҳозир жамоа футболчилари таътилда ва 21 декабрдан бошлаб машғулотларга киришишади. Дастлабки йиғин Тошкентда бўлиб ўтади. Янги йилдан кейин эса "темирйўлчилар" Дубайга йўл олиб, ўша ерда машғулот олиб боришади.
Дубайдаги йиғин давомида иккита ўртоқлик учрашуви ўтказиш кўзда тутилган. Шулардан бири Россиянинг "Зенит" клубига қарши бўлиб ўтади. Бу ўйин 20 январга мўлжалланган. 16 январдаги рақибимиз эса яқин орада маълум бўлади.
