Каталониянинг Sport.es портали "Барселона" клубининг 2017/18 йилги мавсум учун янги форма лойиҳасини суратини эълон қилди.
Нашрга кўра, "Барселона"нинг техник ҳомийси — Nike клуб раҳбарияти билан форманинг янги дизайни билан келишувга эришди ва уларни ишлаб чиқаришга тайёр. Келаси мавсумдан бошлаб жамоанинг титул ҳомийси Rakuten бўлади.
Янги дизайн вертикал йўл-йўл жойлашган кўк ва аноррангни сақлаб қолган, аммо чизиқлар сони кўпайган. Бундан ташқари, йўлаклар кенглиги турлича бўлади.
Жамоанинг иккинчи формаси тўлиқ оч ҳаворанг формада бўлса, учинчи форма тўқ қизил рангда бўлиши режалаштирилган.
