Аргентина Спорт ҳакамлари иттифоқи иш ташлаш ҳақида эълон қилди, деб хабар бермоқда ТАСС.
Ўтган ҳафтада футбол ҳакамига қилинган ҳужумдан сўнг, Спорт ҳакамлари иттифоқи раҳбари Гильермо Маркони бу ҳақда эълон қилган.
Можаро қуйи лига вакиллари «Сармьенто Аякучо» ва «Атлетико Сансинена» клублари ўртасидаги ўйинда юз берган. Бош ҳакам Клаудио Эличири меҳмонлар давролзасига пенальти белгиламаганидан сўнг, майдонга мухлислар тушиб кетган ва футболчилар билан бирга ҳакамга ҳужум қилишган. Фақатгина полициянинг аралашуви натижасида фожиани олди олинган.
«Ҳеч ким бу воқеани даҳшатли деб айтмаяпти. Аммо бу нарса сўнгги пайтларда одатий ҳолга айланиб бормоқда. Бу тўғри эмас» - деди Маркони.
Хабарга кўра, шанба ва якшанба куни ўтказиладиган ўйинларда ҳакамлар иштирок этмайди.