«Лидс» клубининг хўжайини Массимо Челлино футболдаги фаолиятдан 18 ойга четлатилди, деб хабар бермоқда The Telegraph.
Бундан ташқари у 250 минг фунт миқдорида жаримага тортилган.
Челлино Англия футбол ассоциацияси (FA) томонидан трансфер қоидаларини бузганликда айбланмоқда. Хусусан у футболчиларни қоидаларга зид равишда сотиб олиш йўллари борлиги ҳақида журналистларга хабар берган. Бу борада FA антикоррупция суриштирувини ўтказган ва Челлинонинг айби исботланган.
Дисквалификация муддати 2017 йилнинг 1 февралидан бошланади. Бундан ташқари Челлино футбол клублари раҳбарлари учун ташкил қилинган махсус курсларда қатнашади.
