"Олтин тўп-2016" овоз бериш натижаларига кўра учинчи ўринни олган "Атлетико" ҳужумчиси Антуан Гризманн ушбу воқеага шарҳ берди.
"Бу мен учун катта шараф, катта қувонч ва бироз кутилмаган янгилик. Учликдан жой олганимга хурсандман ва мен учун овоз берганларга раҳмат. Мен тўғри йўлдаман, ишлашда давом этишим керак.
Месси ва Роналду - булар икки монстр, икки афсонадирлар. Улар ортидан жой олиш - фахр ва завқ. Гол уришда давом этиб, завқ олиб, уни мухлисларга тортиқ қилишим керак", дейди Гризманн.