"Реал" клуби ва Португалия терма жамоаси ҳужумчиси "Олтин тўп"ни қўлга киритганидан сўнг ўтган ҳафталардаги солиқлар билан боғлиқ вазиятга тўхталди.

 "Албатта, бу гаплар "Олтин тўп" қувончларини бироз бузди, алдамайман. Мен иккиюзламачи эмасман, шунинг учун бу гаплар мен учун яхши нарса келтирмаганини айтаман. Бу вазият менинг яқинларим: оилам, ўғлим ва мен билан бирга ишлайдиганлар учун ҳам оғир.

Ўғлим мактабга боряпти ва кўп нарсаларни тушунади. Ўзимни яхши тутишим керак, менда ўзимни оқлашга сабаб йўқ.

Менинг шахсий ҳаётим ҳақида, дўстларим ҳақида, таътилни қаерда ўтказишим ва севган қизим бор ёки йўқлиги ҳақида гапирсангиз, бу нормал, аммо қонунни бузиш ҳақида...

Менинг адвокатларим, клубим ва менга ёрдам берадиган одамларим бор. Бу менга таъсир қилди, чунки биз ҳар доим ишни тўғри бажаришга интиламиз. Мен ҳақимда ёмон гапиришса - менга ёқмайди.

Қамоқхоналарда кўплаб айбсиз маҳбуслар бор, ўзимни ўшалардай ҳис қиляпман. Ҳеч қандай ёмон иш қилмаганимни биламан, аммо сени айбдор қилишмоқда. Бу ҳеч кимга ёқмайди", - дейди Роналду.