"Байер" ҳужумчиси Хавьер Эрнандес ёшлигида футболчи бўлишни орзу қилгани ҳақида ҳикоя қилиб берди.
"Туғилганимдан футболчи бўлишимни билганман: бу менинг тақдирим. Стадионга бориб, отамнинг ўйинларини кузатишдан завқ олардим. Унинг футбол ўйнагани - менинг омадим келгани эди, чунки футбол муҳитидан доим баҳра олганман.
Леверкузенга келгунимча асосий таркибда кам бўлганман. Ҳозир кўп ўйинларни биринчи дақиқадан бошлаяпман. Мен бу ерда ўзимни жамоанинг бир бўлаги деб ҳисоблаяпман.
Табиийки, бошқа ҳужумчиларни диққат билан кузатаман. Криштиану Роналдудан кўп нарсани ўрганганман. Унинг ҳаёт синовларига дош бериши мени илҳомлантирган. У ҳар доим энг яхшиси бўлишни истайди, ўзи банд бўлган барча соҳаларда", - дейди Эрнандес.
