Англия футболининг 81 ёшли фахрийси Дики Бортвик фаолиятини якунламоқчи эмас.
Бортвик 1949 йилдан буён футбол ўйнамоқда. Унинг гапига қараганда, фаолияти давомида 400дан ортиқ гол урган. Бундан ташқари у жуда тартибли футболчи бўлган ва бирор марта майдондан четлатилмаган.
Сўнгги 40 йил давомида у Дорсетнинг «Уайк Рейнжерс» фахрийлар жамоаси таркибида ўйнаб келаётганди. Аммо яқинда клуб тарқатиб юборилди.
«Муаммо шундаки, фахрийлар жамоалари жуда оз қолди. Уларни кўпчилиги тарқатиб юборилди. Мени куч-қувват ҳали тарк этмаган. Агар ҳар икки ҳафтада бир марта чап қанотда ўйнатиб кўрсангиз, албатта фойдам тегади» - деди Бортвик The Mirror хабарида.
