«Шапекоэнсе» клуби авиаҳалокатида тирик қолган ҳимоячи Нету нима воқеа юз берганини умуман эслолмаган ва ўйин пайтида жароҳат олиб, касалхонага тушиб қолдим деб ўйлаган.
Яқинда касалхона шифокорлари у билан суҳбат ўтказиб, нима воқеа юз бергани ҳақида гапириб беришган.
«Нетунинг аҳволи яхши. Ўтган ҳафтада у оғирлашиб қолганди, аммо кейинчалик яна ўзига келди. Биз унга бўлган воқеани тушунтириб бердик. Нету ўтган воқеаларни умуман эслолмай қолган ва ўйин пайтида жароҳат олдим деб ўйлаётганди. Ҳозирда у вазиятга тўғри баҳо бериб, ўзини иккинчи марта дунёга келгандек ҳис қилмоқда» - деди шифокор Эдсон Стаконски Marca хабарида.
