«Атлетико» яримҳимоячиси Янник Феррейра Карраско сўнгги турлардаги қониқарсиз натижаларга қарамай, жамоа инқироз кўчасига кирмагини ҳақида гапирди.
«Ҳамма инқироз ҳақида гапирмоқда, аммо мен инқирозни кўрмаяпман. Бунақа ҳолат ҳар қандай жамоада учраб туради. Ҳа, биз 6-ўринда бормоқдамиз, аммо ҳали мавсум узун, вазиятни ўнглаш учун имконият бор.
Чемпионлар лигасида «Бавария» билан бир гуруҳда ўйнаб, уларни ортда қолдирдик. Шунинг учун ҳам вазиятга ижобий баҳо бериш керак. Биз учун муҳими – Чемпионлар лигаси йўлланмасига эга бўлиш. Мақсадимиз шу. Энди астойдил меҳнат қилишимиз даркор» - деди Карраско Marca хабарида.
