Саудия Арабистони терма жамоасининг афсонавий футболчиси Муҳаммад Нур тақиқланган моддаларни қабул қилгани учун 4 йилга дисквалификация қилинди, дея хабар беради L'Equipe.
Ноябрь ойида "Ал Иттиҳод" (Жидда) футболчисининг қонидан амфетамин топилган. Саудия Араьистони футбол федерацияси уни тўрт ойга дисквадлификация қилган эди, аммо ФИФА Лозаннадаги спорт арбитраж судига мурожаат қилиб футболчига қаттиқроқ жазо беришга эришди. CAS Нурни тўрт йилга дисквалификация қилди.
Қизиғи шундаки, 38 ёшли футболчи шу йилнинг ёзида фаолиятини тугатган. Аммо "Ал Иттиҳод" йил охирида унинг шарафига хайрлашув учрашуви ташкил этиб, бу ўйинга "Атлетико"н чақирмоқчи эди. Энди бу лойиҳа амалга ошмайдиган бўлиб турибди.
Муҳаммад Нур Саудия терма жамоасида 96 учрашув ўтказган ва 8та гол урган.
