"Реал"нинг собиқ ҳимоячиси, ҳозирда "Наполи" футболчиси Рауль Албиоль мадридликлар ҳужумчиси Криштиану Роналдунинг шаънига илиқ сўзларни аямади.
"Роналду - ақлбовар қилмас инсон. Майдондан ташқарида ҳаммага ёрдам беришга ҳаракат қилади, айниқса болаларга. Криштианунинг маълум бўлмаган инсонийлик фазилатлари бор. Одамлар Роналдунинг аслида ким эканлигини билмайдилар. У ҳар куни тер тўкиб ишлайди. Шу билан бирга жуда қўли очиқ инсон", - дейди Албиоль.